Bush dance er ein dansestil frå Australia som særleg viser til tilstellingar der musikken blir framført av eit bush band. Dansane er hovudsakleg baserte på tradisjonelle folkedansar frå Storbritannia, Irland og Sentral-Europa.
Bush dance-tradisjonen har alltid vore open for impulsar utanfrå, og ein kan nytta musikkstilar som Cape Breton-folk, cajunmusikk, bluegrass, blues og moderne songar som «Macarena» og «Nutbush City Limits» til dansen.[4]
Dansane kan grupperast etter formasjonane til dansarane.
Annakvar mann og kvinner i sirkel eller hesteskoform (til dømes «Stockyards»).
Par av menn og kvinner arrangert rundt i rommet (til dømes «Brown Jug Polka»)
3 til 8 par i to rekkjer, kvinner vendt mot bandet, menn mot kvinnene. Hovudparet er på venstre side av bandet (til dømes «Galopede»).
Par står vende mot kvarandre i rett vinkel til danselinja rundt i rommet. Vanlegvis er det ein roterande sirklar der halvparten av dansarane går med klokka og den andre halvparten går mot klokka. Dobbel siciliansk er 2 par som står vende mot 2 par (til dømes «Cottages»)
Rekkjer med tre personar, ein mann og to kvinner eller to menn og ei kvinner som står vend mot ei tilsvarande rekkje. Setta går rundt i rommet (til dømes «Dashing White Sergeant»).
Fire par arrangerte på sidene av eit kvadrat (til dømes «Colonial's Quadrille»).
Musikken til bush dance byggjer hovudsakleg britisk og irsk tradisjonsmusikk. Britiske, irske og amerikanske folkemusikarar kan kjenna att variasjonar av dei fleste melodiane.
Rytmar inkluderer reel, jig, marsj, vals og hornpipe.
Vanleg instrument er fele, piano, trekkspel, concertina, blekkfløyte, baljebass (bush bass), gitar, banjo og ulike typar perkusjon, inkludert lagerphone. Elektroforsterka instrument som bassgitar eller elektrisk gitar har vore i bruk sidan 1970-talet.
Bush dance liknar amerikansk line dance eller square dance ved at alle dansarane kan visse steg og utfører dei i lag. Ofte byttar ein partnar i løpet av dansen. Det er mange standarddansar som dansarar blir lærte eller er venta å kunna, som «The Ninepins Quadrille» (kalla «The Drongo» av gruppa The Bushwackers) der ein person blir ekskludert frå gruppa når dei ikkje har ein partner og blir «spotta» av dei andre. Ein annan populær, enkel dans, som ofte blir brukt med born, er «Heel-Toe Polka» (også kjend som «Brown Jug Polka»), der partnarane klapper knea og hendene sine og hendene til partnarane.