Borger Hansson Ulveland | |||
Fødd | 18. juli 1788 | ||
---|---|---|---|
Død | 28. mars 1866 (77 år) | ||
Statsborgar av | Noreg | ||
Yrke | bonde, politikar | ||
Alle verv |
|
Borger Hansson Ulveland (18. juli 1788–28. mars 1866) var ein norsk gardbrukar og stortingsmann frå Øvre Eiker i Buskerud.
Far til Ulveland var gardbrukar på Lo i Øvre Eiker. Sonen kjøpte i 1811 av far sin garden Ulveland i same bygda. Han dreiv Ulvelandsgarden til 1853, då overtok han garden Steinset av svigerfaren og flytta dit, der han døydde 13 år seinare.
Ulveland var stortingsmann for Buskeruds amt 1833-37. I 1833 var han medlem av militærkomiteen, medan han i 1836 og på omframstortinget 1836-37 var medlem av Lagtinget og militærkomiteen. Som medlem av Lagtinget var han i 1836 med i riksretten 1836 mot Severin Løvenskiold. Frå 1837 til -57 var Ulveland medlem av heradsstyret i Øvre Eiker, ordførar 1846-48.
Han døydde på garden sin i Øvre Eiker i 1866.