Bellingshausenhavet er eit havområde langs vestsida av Den antarktiske halvøya, vest for Alexander Island, aust for Cape Flying Fish på Thurston Island, og sør for Peter I Øy.[1] I sør ligg, frå vest til aust, Eights Coast, Bryan Coast og vestlege område av English Coast i Vest-Antarktis. Vest for Cape Flying Fish ligg Amundsenhavet.
Bellingshausenhavet har eit areal på 487 000 km² og er på det djupaste 4470 meter.[2]
Havområdet er kalla opp etter admiral Fabian Gottlieb von Bellingshausen, som utforska området i 1821.
Seint i pliocen, for kring 2,15 millionar år sidan, landa Eltanin-asteroiden her. Dette er det einaste kjende nedslaget på djupt hav i verda.[3]