Bani Zeid al-Sharqiya | |||
بني زيد الشرقية, Bani Zayd ash-Sharqiyya | |||
kommune | |||
Namneopphav: Aust-Bani Zeid | |||
Land | Dei palestinske territoria | ||
---|---|---|---|
Guvernement | Ramallah og al-Bireh guvernement | ||
Koordinatar | 32°02′N 35°10′E / 32.033°N 35.167°E | ||
Folketal | 5 083 (2007) | ||
Borgarmeister | Abd al-Rahman al-Nubani | ||
Bani Zeid al-Sharqiya 32°02′00″N 35°10′00″E / 32.0333°N 35.1667°E | |||
| |||
Wikimedia Commons: Bani Zeid al-Sharqiya | |||
Bani Zeid al-Sharqiya (arabisk بني زيد الشرقية) er ein palestinsk by nord på Vestbreidda, nord for Ramallah i Ramallah og al-Bireh guvernement. Han vart danna då landsbyane ‘Arura,[1] Mazari al-Nubani og Abwein, sjølv om sistnemnde ligg fråskild frå kommunen.[2] Bani Zeid al-Sharqiya ligg 3 km nord for Ajjul og andre stader i nærleiken er Deir as-Sudan i søraust, Kafr Ein i aust og Abwein i sørvest.[3]
Både Arura og Mazari al-Nubani var ein del av Bani Zeid underdistrikt i Jerusalem sanjak. Dei to landsbyane produsert i lag 99 qintar med olivenolje, det viktigaste jordbruksproduktet frå Bani Zeid.[4]
I 1596 stod 'Arura oppført i osmanske skattelister som ein del av Quds nahiya i Quds liwa. Han hadde eit folketal på 62 hushaldningar, alle muslimar, og betalte skatt for kveite, bygg, oliventre, vindruer og frukttre, geiter og/eller bikubar.[5] Den franske oppdagaren Victor Guérin vitja landsbyen seint på 1800-talet, og han hadde då kring 350-400 innbyggjarar. Guerin observerte fragment av søyler og andre indikasjonar på at det var ein svært gammal stad.[6] I 1882 skildra Palestine Exploration Fund i Survey of Western Palestine landsbyen, kalla Arara, som liten, i høgt lende og merkverdig fordi det låg fem heilage stader på vestsida av landsbyen.[7]
I 1945 var det samla landarealet 10 978 mål, og av dette var 26 utbygde område og 2 550 nytta til olivenlundar.