Auskerry | |
---|---|
Geografi | |
Stad | Nordsjøen |
Koordinatar | 59°02′03″N 2°34′05″W / 59.03429°N 2.56798°W |
Øygruppe | Orknøyane
|
Areal | 0,85 km²
|
Administrasjon | |
Land | Skottland |
Region | Orknøyane
|
Demografi | |
Folketal | 5 (2001) |
Folketettleik | 5,9 /km² |
Auskerry (norrønt Austrsker, «austskjeret») er ei lita øy aust i Orknøyane. Ho ligg i Nordsjøen sør for Stronsay. Det står eit fyr på øya, bygt i 1866.
Auskerry er ei lita, flat øy av raud sandstein, 4,5 km sør for Stronsay.[1] Ein ståande stein og eit kapell frå mellomalderen er teikn på tidleg busetnad.[1] Øya var utan folk ein periode etter at fyret vart automatisert i 1960-åra. Ho var tidlegare ein populær stad for å jakte på sel.[1]
Auskerry har vore busett i 30 år av ein familie som driv med sauehald.[2] Det står tre små vindturbinar og fire solcellepanel på øya som gjev øya straum.
«Hastings County» var eit 116 meter langt norsk lasteskip som gjekk på grunn nordvest for Auskerry i 1926 i tjukk skodde.[3] Fartøyet braut i to og vraket vart spreidd over store område. Maskinen hamna på stranda.
Fyret ligg nord for Stronsay Firth.[4] Det vart bygt i 1866 av ingeniørane David og Thomas Stevenson.[5].
Auskerry har status som Special Protection Area (særskild verneområde) på grunn av viktige hekkeområde for isterne og havsvale; 4,2 % av hekkande havsvaler i Storbritannia hekkar på denne øya.[6]