Arthur Sundt | |||
Fødd | 8. april 1899 | ||
---|---|---|---|
Død | 19. august 1971 (72 år) | ||
Statsborgar av | Noreg | ||
Parti | Venstre | ||
Yrke | politikar | ||
Medlem | Europarådets parlamentarikerforsamling | ||
Alle verv |
|
Arthur Sundt (8. april 1899–19. august 1971) var ein norsk jurist og politikar frå Bergen. Han var stortingsrepresentant frå Bergen og for partiet Venstre i periodane 1945–49 og 1954–57.
Sundt var son til ein skipsførar. Etter han avla juridisk embetseksamen i 1921, var han dommarfullmektig i Sunnfjord 1922–24. Frå 1925 praktiserte han som advokat i Bergen, høgsterettsadvokat sidan 1935. I 1945-46 fungerte han som statsadvokat for Bergen og Hordaland. Til sist var han sorenskrivar i Midthordland frå 1957 til –66.
Sundt var medlem i Bergen bystyre 1929–41 og 1952–55, med sete i formannskapet frå 1932. Han var varaordførar i Bergen 1934–40 og i 1945 etter frigjeringa. Frå hausten 1945 representerte han Bergen Venstre på Stortinget til 1949 og på ny i valperioden 1954–57. Begge periodane var han nestformann i Utanriks- og konstitusjonskomitéen. Sundt var landsstyremedlem i Venstre 1946–62.
Av styreverv kan nemnast at Sundt var medlem i styret for Bergen kommunale kinomatografer frå 1931 til 1963, formann siste 11 åra. Han var også formann i Skattetakstkommisjonen for Bergen i lang tid, 1938-65, samt varaformann og seinare formann i styret for Norges kommunalbank frå 1935 til 1965, med unnatak for fleire av krigsåra. 1947-49 var Sundt viseformann i Den Norske Sakførerforening.