Arild Nyquist | |
Statsborgarskap | Noreg |
Fødd | 6. mars 1937 Oslo |
Død |
21. desember 2004 (67 år) |
Yrke | lyrikar, skribent, musikar |
Medlem av | Trio Tre |
Mor | Gerd Nyquist |
Arild Nyquist (6. mars 1937–21. desember 2004) var ein norsk forfattar, musikar, biletkunstnar og sceneartist.
Nyquist var fødd i Oslo som son til forfattaren Gerd Nyquist. Han byrja på Statens håndverks- og kunstindustriskole for å verta målar, men debuterte som forfattar i 1963 med romanen Ringer i et sommervann. Han utdanna seg ved Statens Lærerskole i forming og frå 1968 til 1976 arbeidde han som formingslærar i Lofoten, der han hadde budd sidan 1963. Den første diktboka hans Nå er det jul igjen! og andre dikt frå 1972 fekk kritikarane til å ta fram dei store orda, om ikkje nett godorda. Nonsensdikta fall ikkje i god jord hjå kritikarstanden. Inspirert av dette, blei diktet sterkt negativt framstilt også på Stortinget i ein debatt om Norsk kulturfond og innkjøpsordninga av ny norsk litteratur.[1]
Etterkvart skulle både kritikarane og lesarane like bøkene hans betre. I tillegg til bøker av mange ulike slag laga han også plater der han framførte eigne tekstar til musikk.