Anne Karin Torheim | |
Nasjonalitet | Norsk |
Statsborgarskap | Noreg |
Fødd | 12. mai 1953 Bergen |
Yrke | Forfattar, skodespelar, litteraturkritikar |
Periode | 1990- |
Debut | Tida er verken ute eller inne |
Anne Karin Torheim (fødd 12. mai 1953 i Bergen)[1] er ein norsk forfattar, litteraturkritikar, omsetjar og skodespelar. Ho voks opp i Eid kommune i Sogn og Fjordane, og er i dag busett i Stavanger.[2]
Ho debuterte med diktsamlinga Tida er verken ute eller inne i 1990, og sidan har ho gjeve ut to diktsamlingar til, éi prosabok og éin roman. Dessutan er ho representert i antologiar for både vaksne og born, og i læreverk for både grunnskulen og vidaregåande skule.[3] Torheim har også omsett Alice Sebold-romanane Nesten evig (2008) og Alle min kjære (2004) til nynorsk.[3]
Som skodespelar har ho hatt engasjement ved Den Nationale Scene, Sogn og Fjordane Teater, Riksteatret og Rogaland Teater.[2]
Torheim sat i Det litterære Råd i Den norske Forfatterforening i seks år.[3]