Andreas Maastad | |||
Fødd | 2. august 1881 Trøgstad kommune | ||
---|---|---|---|
Død | 17. mai 1973 (91 år) | ||
Statsborgar av | Noreg | ||
Parti | Senterpartiet | ||
Yrke | politikar, bonde | ||
Alle verv |
|
Andreas Maastad (2. august 1881–17. mai 1973) var ein norsk gardbrukar og politikar frå Båstad i Trøgstad. Han representerte Bondepartiet på Stortinget frå 1925 til 1945.
Maastad tok over farsgarden Måstad i Båstad i 1914, og dreiv denne i fleire tiår. Han var ordførar i Trøgstad herad 1923-25, og stortingsrepresentant for Østfold fylke frå 1925. På Tinget var han i den fyrste treårperioden medlem i protokollkomiteen, i den andre nestformann i same komiteen. 1931-33 var han nestformann i veg- og jarnbanekomiteen. Sidan 1934 var han formann i protokollkomiteen.
I tida 1935-52 var Maastad ordførar i representantskapen for Østlandets Melkesentral, og frå 1945 var han styremedlem i Hypotekbanken.