Andreas Fleischer | |
![]() | |
Statsborgarskap | Noreg |
Fødd | 5. november 1878 Hegra |
Død |
23. november 1957 (79 år) |
Yrke | prest, misjonær |
Religion | Den evangelisk-lutherske kyrkja |
Ektefelle | Petra Amalie Margrethe Fleischer |
Andreas Fleischer på Commons |
Andreas Fleischer 5. november 1878–23. november 1957) var ein norsk teolog, misjonær, sakprosaforfattar og biskop i Den norske kyrkja. Han var biskop i Bjørgvin bispedømme frå 1932 til 1948.[1]
Fleischer var fødd i Hegra i Stjørdal i 1878. tok artium i Trondheim i 1896 og blei cand.theol. ved Det teologiske fakultetet i 1902. I 1903 blei han ordinert prest i Trondheim av biskop Skard. Han var misjonær i Hunan i Kina frå 1904 til 1912. Han bleisokneprest i Fitjar i 1912, Stord i 1917 og Brunlanes i 1922. I 1932 etterfølgde han Peter Hognestad som biskop i Bergen. Han var biskop der til 1948. Etter tida som biskop verka han i ein periode som reisetalar for det norske misjonsselskap.
Han døydde i Vikedal i Vindafjord i 1957.
Flesicher skreiv fleire bøker, mange av dei på kinesisk.
Han var son av sokneprest Carl Edvard Fleischer (1843–85) og Johanne Sofie Fergstad (1850–1926). Faren var prest då han drukna på heimferd frå Osen annekskyrkje i Sør-Trøndelag Allehelgens sundag 1. november 1885.[2] Både farfaren Andreas Jørgen Fleischer og morfaren Sivert Andreas Fergstad var sokneprestar. Broren Carl Gustav Fleischer (1883–1942) blei general. Andreas gifta seg i 1908 med prestedottera Petra Amalie Margreta Ulsaker (1881–1963) frå Skedsmo. Bryllaupet fann stad i Kina.[3]