![]() Alex McLeish i 2012 | |||
Personleg informasjon | |||
---|---|---|---|
Fullt namn | Alexander McLeish | ||
Fødselsdato | 21. januar 1959 (65 år) | ||
Fødestad | Glasgow i Skottland | ||
Høgd | 185 cm | ||
Posisjon | Forsvarsspelar | ||
Seniorkarriere* | |||
År | Lag | Kampar | (Mål) |
1978-1994 | Aberdeen | 493 | (25) |
1978 | → Leeds (lån) | ||
1994-1995 | Motherwell | 3 | (0) |
Totalt | 496 | (25) | |
Landslag | |||
1980-1993 | Skottland | 77 | (0) |
Trenar for | |||
1994-1998 | Motherwell | ||
1998-2001 | Hibernian | ||
2001-2006 | Rangers | ||
2007 | Skottland | ||
2007-2011 | Birmingham | ||
2011-2012 | Aston Villa | ||
2012-2013 | Nottingham Forest | ||
2014-2015 | Genk | ||
2016 | Zamalek | ||
2018-2019 | Skottland | ||
* Seniorklubbkampar og mål berre telt for nasjonal liga |
Alexander McLeish (fødd 21. januar 1959) er ein skotsk tidlegare fotballspelar og -trenar frå Glasgow. Han var midtstoppar på Aberdeen FC då klubben vann cupvinnarcupen 1983.
McLeish var midtstoppar på Aberdeen FC frå debuten i januar 1978 til han la opp sommaren 1994. Gjennom 16 sesongar var han med om å vinne tre seriemeisterskap og fem finalar i den skotske cupen. Høgdepunktet for McLeish og lagkameratane var triumfen i cupvinnarcupen 1983, på Nya Ullevi i Göteborg sigra dei med 2-1 mot Real Madrid etter ekstraomgangar.
McLeish hadde tilnærma fast plass i midtforsvaret til Skottland tiåret 1980-90. Han deltok under VM i fotball 1990, men fekk berre tre landskampar etter meisterskapen. Frå debuten i mars 1980 til han fekk siste landslagsoppdraget i februar 1993 spelte han 77 kampar i Skottland-drakt, utan å skåre eit einaste mål.
McLeish var lagsjef for Rangers FC frå 2001 til -06, ein periode der klubben vann to cupfinalar og like mange ligatitlar. I 2011 leidde han Birmingham City til siger i den engelske ligacupfinalen. McLeish var landslagssjef for Skottland i 2007, ein jobb han òg har hatt sidan februar 2018.