Adolf Dahl | |||
Fødd | 4. august 1874 | ||
---|---|---|---|
Død | 27. september 1952 (78 år) | ||
Statsborgar av | Noreg | ||
Far | Johan Jakob Dahl | ||
Alle verv |
|
Adolf Kristian Dahl (4. august 1874–27. september 1952) var ein norsk gardbrukar og politikar frå Idd i Østfold. Stortingsperioden 1919-21 representerte han einmannskrinsen Idd og Marker, vald for partiet Høgre.
Far til Dahl var oberst og gardbrukar. Sjølv gjekk han Sem Landbruksskole og Ås Landbruksskole før han i 1897 overtok farsgarden Vevlen i Idd herad, ein gard han dreiv til 1943. Jamsides var han 1909-18 tømmermerkar for Saugbrugsforeningen.
Frå 1902 var Dahl ein sentral mann i styringa av Idd, heradsstyremedlem i fleire tiår. Han var såleis ordførar i 1925-31, varaordførar 1922-25 og mange år i formannskapet elles. I tillegg hadde han ulike andre kommunale verv. Åra 1919-21 var Dahl stortingsmann for Idd og Marker, med i tinggruppa til Høgre. Elles var han med i den norsk-svenske mellomrikskomiteen og formann i komiteen som utgreidde spørsmålet om medisinsk fakultet i Bergen.
Dahl var aktiv idrettsmann i ungdomen, langrennsløpar som deltok i Holmenkollen. Sidan var han ein driven jeger og fritidsfiskar, fungerte fleire år som dommar på jaktprøver for fuglehundar.