191 (romartal CXCI) var eit normalår som byrja på ein fredag i den julianske kalenderen. I samtida i Romarriket var det kjend som året då Apronianus og Bradua var konsular, eller sjeldnare år 944 ab urbe condita.

Hendingar

• Vologases V av Partia etterfølgde faren sin Vologases IV som konge av Partia.

• Roma blei råka av ein bybrann som varte i fleire dagar og øydela fleire offentlege bygningar, mellom anna tempelet til Pax med biblioteket der og Vestatempelet. Etter brannen, i 191 eller 192, bygde keisar Commodus opp byen att og endra samstundes namnet hans til «Colonia Lucia Aurelia Nova Commodiana», etter seg sjølv. Han endra også sitt eige namn, dei på månadane, det romerske senatet, legionane, flåten som importerte korn frå Afrika til Roma og romarane sjølv, som skulle kalla seg commodianus.^[1]

• Vasudeva I blei herskar av Kusjan seinast dette året.^[2]

Døde

• Vologases IV av Partia
• Sun Jian, kinesisk krigsherre, posthumt utnemnd til keisar Wulie av sonen Sun Quan

Kjelder