Roger Yonchien Tsien (* 1. Februar 1952 in New York City; † 24. August 2016 in Eugene, Oregon[1]) weer en sino-amerikaansch Zellbioloog un gemeensam mit Osamu Shimomura un Martin Chalfie Dräger vun den Nobelpries för Chemie 2008.
Roger Tsien wurr as Söhn vun den Ingenieur Hsue-Chu Tsien un de Krankensüst Yi-Ying Tsien, borene Li, boren un is in Livingston, New Jersey upwussen. Sien öldste Bröer Richard Winyu Tsien is Neurobioloog an de Stanford University.[2] De Luftfohrtingenieur Tsien Hsue-shen is de Cousin vun sien Vader.
All as Schöler hett Tsien to Huus chemische Experimente dörführt. 1968 wunn he de eersten Pries vun de Westinghouse Science Talent Search för Ünnersöken to de Binnen vun Metallen an Thiocyanate. He hett Chemie un Physik an de Harvard University studeert, wo he 1972 sien Bachelor maaken dee. Dornah gung he to den Physiologen Richard Adrian an dat Churchill College vun de University of Cambridge, wo he 1977 sien Doktertirtel kreeg. Ansluutend weer he Post-Dokterand an dat Gonville and Caius College. 1981 wessel he as Assistenzperfesser an de Afdeelen Physiologie un Anatomie vun de University of California, Berkeley. 1985 bit 1987 weer he dor außerplanmäßig Perfesser un 1987 bit 1989 ordentlich Perfesser. Siet 1989 is he Perfesser för Pharmakologie, Chemie un Biochemie an de University of California, San Diego un Forscher an dat Howard Hughes Medical Institute. Gastprofessuren hemm hüm 1991 an dat Massachusetts Institute of Technology (MIT) un 2003 an de University of Cambridge führt
Tsien arbeitet up dat Rebeet vun de bildgeven Zellbiologie. So schuf er Fluoreszenzfarbstoffe, um das zelluläre Calcium sichtbar zu machen.[3] Dorto hett he Stoffe entwickelt, de dör de Zellmembran indringen können, sodat de Bewegung vun dat Calcium ok in leven Zellen ünnersöcht wurrn kunn.[4][5] Later hett he de Eegenschapen vun de Farvstoff verbetert[6] un hett ähnliche Verfohren bruukt, um Natrium un cyclisches Adenosinmonophosphat nahtowiesen.[7][8] Um dat Tosommenspeel vun twee mit Fluoreszenzfarvstoffen kennetekent Moleküle to studeeren, hett he den Fluoreszenz-Resonanzenergietransfer bruukt.[9][10] Sien villicht bekanntest Bidrag weer de Paratstellen vun verscheeden Varianten vun dat Gröön fluoreszeeren Protein (GFP) un deren Gebruuk.[9][11][12] Later hett he sien Forschensswoorpunkt up de Afbillen un Behanneln vun Krebstumoren ännert. Dorto hett Tsien en U-förmig Peptid entwickelt, dat – mit ein bildgeven Molekül oder en Medikament bestückt – spezifisch vun de Krebszell upnommen wurr.
An' 30. Juli 1982 hett he Wendy M. Globe heiraadt.
Tsien hett mehr as 100 upsatzen rutbrocht un hollt mehr as 60 Patente.