Wapen/Flagg | Koort | |
---|---|---|
| ||
Basisdaten | ||
Inwahners: | ||
Postleettall: | 21649 | |
Vörwahl: | 04165 | |
Geograafsche Laag: | Koordinaten:53° 23′ N, 9° 39′ O53° 23′ N, 9° 39′ O | |
Resbossel (hoochdüütsch Regesbostel) is en Dörp in de Gemeen Resbossel (Samtgemeen Hullnst) in’n Landkreis Horborg, Neddersassen.
Dat Water ut dat Rebeed flütt över’n Starsbeek af.
De Naveröörd sünd Rahmstörp, Mesborg un Starsbeek in’n Noordoosten, Wosbossel in’n Oosten, Holtörp, Hullnst un de Holtörper Heid in’n Süüdoosten, Hollinn, Holv, Hassbossel, Löh un Bredenhoorn in’n Süüdwesten, Sounsiek in’n Westen un Beekdörp un Guldbeek in’n Noordwesten.
In’n Eersten Weltkrieg sünd twölv Soldaten ut Resbossel fullen oder vermisst un in’n Tweten Weltkrieg 30.[1]
In de Franzosentied von 1810 bet 1814 hett de Oort to de Mairie Hullnst in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to de Vaagdie Hullnst von dat Amt Mesborg tohöört. Von 1859 bet 1885 weer dat in dat Amt Töst un von 1885 bet 1932 in’n Kreis Horborg. 1932 is dat Deel von’n ne’en un grötteren Kreis Horborg worrn.
De Oort höört siet dat 19. Johrhunnert to de Gemeen Resbossel to.
Johr | Inwahners |
---|---|
[2] | 179111 Füürsteden |
[3] | 181290 |
[4] | 182419 Füürsteden |
[5] | 1848115 Lüüd, 20 Hüüs |
[6] | 1. Dezember 1871142 Lüüd, 26 Hüüs |
[7] | 1. Dezember 1885148 Lüüd, 26 Hüüs |
[8] | 1. Dezember 1905178 Lüüd, 28 Hüüs |
Resbossel is evangeelsch-luthersch präägt un höört to dat Kaspel von de Andreas-Kark in Hullnst.
För de Kathoolschen is de St.-Petrus-Kark in Bookholt tostännig.
De Karkhoff in Resbossel liggt an de Straat Na’n hogen Barg.
En Denkmaal för de Fullenen ut de twee Weltkrieg’ steiht in Resbossel an de Eck Hauptstraat/Bargstraat.
Resbossel hett en egene freewillige Füürwehr.
Von Resbossel löppt in’n Süüdoosten de Kreisstraat 38 na Holtörp un an de K 16. De K 16 wedder föhrt in’n Oosten na Hullnst an de Landsstraat 141 un in’n Westen över Holv un Hassbossel na Löh an de L 130. Lüttjere Straten föhrt ans ok na Sounsiek, Guldbeek, Rahmstörp un Wosbossel.
De nächste Autobahn is de Autobahn 1 (Afsnidd Hamborg–Bremen). De Opfohrt 46 Heidenau liggt so fiev Kilometer in’n Süüdwesten von Resbossel an de K 15 un de Opfohrt 45 Hullnst söss Kilometer in’n Süüdoosten an de L 141.
De nächste Bahnhoff is so bi twölv Kilometer wied weg in’n Noordwesten de Bahnhoff Obbens an de Bahnlien Bremerhoben–Buxthu. De Bahnhoff Buxthu an de Nedderelvbahn twüschen Cuxhoben un Hamborg liggt 13 Kilometer in’n Noordoosten.
De Grundschölers ut Resbossel gaht na de Grundschool Mesborg.
In Resbossel gifft dat ok en Speelkreis.