Paul Graetz (* 25. Juli 1875 in Zittau; † 16. Februar 1968 in Travemünn) weer en düütschen Offizier. He weer de Eerste, de in de Johren 1907 bet 1909 mit dat Automobil kumplett vun Oost na West dör Afrika föhr.
Graetz kreeg an’n 29. Juni 1896 dat Patent as Lüütnant. Vun 1902 arbeid he in de Schutzrebeden un bo vun Lindi ut ene 600 Kilometer lange Straat. He bestell en na egene Plään ümboot Fohrtüüch, mit da he an’n 10. August 1907 in Daressalam in Düütsch-Oostafrika losföhr. Na vele Pannen un annere Problemen keem he an’n 1. Mai 1909 na 630 Daag in Swakopmund in Düütsch-Süüdwestafrika an.
Vun 1911 bet 1912 föhr he mit en Motorboot dör dat Hart vun Afrika.