Foster studeer an de Universität Manchester un kreeg na sien Examen 1961 en Stipendium an de Yale-Universität. Foster arbeid för Richard Buckminster Fuller un grünn 1965 tosamen mit siene Fro Wendy Foster un dat Ehpoor Su un Richard Rogers dat Arkitekturbüro Team 4, dat vun 1967 an Foster Associates un hüüt Foster and Partners heet. 1989 bleev Wendy dood. 1991 heirad he de Arkitektsche un Designersche Sabiha Ruani Malik.
1999 kreeg Foster den Pritzker-Pries.
In de fröhe Tiet weer en High-Tech-Stil en Kennteken vun siene Bowarken. Later entwickel he en veel togänglicheren un moderneren Stil mit scharpe Kanten. Foster hett tohoop mit Richard Rogers veel op de britische Arkitekturszeen inwarkt.
Sir Norman Robert Foster gellt hüüt bi Experten as de renommeertste levend Arkitekt.
In’t Johr 1990 sloog em de engelsche Königin to’n Ridder (Sir) un he kreeg 1999 den Titel Baron Foster of Thames Bank op Levenstiet. Foster is todem Liddmaat vun’n Orden Pour le mérite.