Joe Hembus (* 11. Mai 1933 in Kassel; † 21. April 1985 in de Benediktenwand[1] in Bayern) weer en düütsch Filmkritiker, Filmhistoriker, Dreihbookschriever un Filmdorsteller.
Sien Pamphlet „Der deutsche Film kann gar nicht besser sein“ (1961) hett den Weg liek maakt för den Ne’en Düütschen Film. Dat vun Joe Hembus verfaat „Western-Lexikon“ wurr vun sien Söhn Benjamin Hembus wiederföhrt un hörrt to de Standardwarken to dit Thema in de düütschspraakig Ruum. Dorneben hett sück Hembus ok intensiv mit de Stummfilm-Kummedie - un hier vör allen mit de Filme vun Charlie Chaplin - beschäftigt. He weer Herutgever vun de düütsch Utgaaven vun de bekannt Citadel-Filmböker in de Goldmann Verlag. Wiederhenn is sien Mitarbeit an de ZDF-Serie Western von gestern to nömm’n. Joe Hembus is 1985 bi’d Bargstiegen in dat Öller vun 51 Johren to Dood kommen. He wurr up den Karkhoff vun Straßlach bi München begraben.
En Filmrull hett he bi de Speelfilm Der plötzliche Reichtum der armen Leute von Kombach, 1971, speelt.
Johr | Titel | Funkschoon |
---|---|---|
1970 | Wunderland der Liebe – Der große deutsche Sexreport | Dreihbook |
1971 | Der plötzliche Reichtum der armen Leute von Kombach, Feernsehn | Dorsteller |
1973 | Klimbim, Feernsehshow | Dreihbook |
1976 | Bomber & Paganini | Dreihbook |
1983 | Der Platzanweiser | Dorsteller |
1984 | Donauwalzer, Feernsehn | Dorsteller |
1987 | Des Teufels Paradies | Dreihbook |