David Abraham Swanepoel (* 12. Juli 1912 in Ladybrand, Oranje-Freestaat; † 23. Dezember 1990 in Duiwelskloof, Transvaal), af un to ok as D. A. Swanepoel ziteert, weer en süüdafrikaansch Lepidopteroloog.
Swanepoel weer de Söhn vun Johannes Hendrik un Wilhelmina Johanna Swanepoel. Sien Interesse an Bottervagels wurr dör de Lepidopterologen Paul Loewenstein un Henry E. Irving waakt, de he 1948 un 1951 twee Aarten ut de Gattung Lepidochrysops widmet hett. 1925 fung he mit dat Sammeln an. Swanepoel harr kien akademische Utbillen, sonnern weer Autodidakt.
Tüschen 1941 un 1983 hett Swanepoel mehrere wetenschaplich Artikel schreeven, sien bedüüdenst Bidrag is aber dat Book Butterflies of South Africa: where, when and how they fly, dat 1953 herutbrocht wurr un Generatichonen vun Bottervagelsammlern beinfloot hett.
Sien Sammlung befind sück in dat Ditsong National Museum of Natural History (ehemals Transvaal Museum) in Pretoria.
Nah Swanepoel sünd de Aarden Aloeides swanepoeli, Dira swanepoeli, Lepidochrysops swanepoeli, Poecilmitis swanepoeli, Pseudonympha swanepoeli un Thestor swanepoeli nömmt wurrn.