Corinna Harfouch, borene Meffert (* 16. Oktober1954 in Suhl), is en düütsch Schauspelerin und Synchroonsnackerin.
Biografie
Utbillen
De Dochter vun den Mester Wolfgang Meffert un sien Fru Marianne borene Kleber besöch 1961 bit 1973 de School in Großenhain. An dat Pioniertheater „Natalia Saz“ hett se hör eerste schauspelerische Fähig- un Fertigkeiten erwurben. An de Erweiterte Böverschool hett se hör Abitur maakt. Nah en Lehr as Krankensüster fung se 1976 an de TU Dresden en Studium to en Textilingenieurin an.
Harfouch studeer 1978 bit 1981 Schauspeel an de Hoochschool för Schauspeelkunst Ernst Busch in Berlin un weer Meesterschölerin bi Vera Oelschlegel in dat Theater im Palast. En vun hör gröttst Theatererfolge noch to Tieden vun de DDR weer de Lady Macbeth ünner de Regie von Heiner Müller an de Berliner Volksbühne an' Rosa-Luxemburg-Platz.
Nah lüttgere Filmupgaven övernehm se 1988 de Titelrull in Die Schauspielerin. Hier speel se en Fru, de sück in de Tiet vun den Natschonalsozialismus as Jöödsche verkleedt, um ehrn Leevsten nich to verleesen. Ähnliche Beachtung funn se in Treffen in Travers as Gattin vun en Revolutschonäär.
Nah de Wennen
Nah de Wennen 1989 weer se tonächst an dat Düütsch Theater in Berlin, wessel aber gau to de Volksbühne, wo si en vun de wichtigsten Protagonistinnen vun den Intendanten Frank Castorf wurr. Upsehnerregend weer hör Interpretatschoon vun den General Harras in Des Teufels General von Carl Zuckmayer (Regie: Frank Castorf). För disse Rull wurr se 1997 vun de düütsch Kritikern to Schauspelerin vun dat Johr wählt.
An de Berliner Schaubühne am Lehniner Platz speel se de Titelrull in Phaidras Liebe vun Sarah Kane, in de Regie vun Christina Paulhofer. Buterdem speelt se siet November 2004 bannig spoodriek tosommen mit Ulrich Matthes an dat Düütsch Theater (DT) Berlin de Rull vun de Martha in Edward Albee sien Wer hat Angst vor Virginia Woolf? ünner de Regie vun Jürgen Gosch. För dat düütsch Feernsehpublikum wurr se dör hör inföhlsam Verkörperung vun de in den 1960ern wegen Mord veroordeelt Titelfigur vun den dokumentarsch Speelfilm Vera Brühne (2001) bekannt. In Bernd Eichinger sien Kinofilm Der Untergang (2004) övernehm se de Rull vun de Magda Goebbels, de hör eegen Kinner vergiften dee.
Familie
Hör eerst Ehemann weer de syrische Informatiker Nabil Harfouch. Mit hüm hett se een gemeensam Dochter. Hör tweet Kind kreeg se mit den Musiker Stefan Maaß. Van 1985 bit 2007 weer se in en tweet Ehe mit den Schauspeelkollegen Michael Gwisdek verheiraadt. Ut disse Ehe stammen twee Söhn, de Komponist Johannes Gwisdek un de Schauspeler Robert Gwisdek. Tüschendör weer Harfouch mit Bernd Eichinger tosommen, hüüd leevt se mit den Schauspeler Wolfgang Krause Zwieback tosommen.[1]
Rullen un Warken (Utwahl)
Theaterarbeiten (Utwahl)
Aufstieg und Fall der Stadt Mahagonny (Düütsch Oper Berlin)
2002: Düütsch Pries för Synchron för herutragen wievlich Synchroonarbeit in Die Klavierspielerin] as düütsche Stimm vun Isabelle Huppert
2003: Düütsch Filmpries in Gold (best Nevenrull) för Bibi Blocksberg
2006: Besondere Anerkennung dör de Düütsch Akademie vun de Dorstellen Künste up dat Feernsehfilm-Festival Baden-Baden för dat Produktschoonsteam vun Wut
2007: Goldene Kamera as best düütsch Schauspelerin
2010: Steern up den Boulevard der Stars in Berlin
2011: Pries as best Schauspelerin ni dat QueerLisboa-Filmfestival in Lissabon
2014: Paula-Pries vun den Progress Film-Verleih
2014: Günter Rohrbach Filmpries - Pries vun den Böverbörgermeester för hör Rull in Der Fall Bruckner
