Christopher Rave (* 20. Februar 1881 in Hamborg; † 13. Januar 1933 ok dor) weer en düütsch Maler un Polarforscher as ok Perfesser.

Leven

[ännern | Bornkood ännern]

Rave weer en bekannt, in Hamborg leven Schippsmaler. Tüschen 1900 un 1909 hett he de 8000 Johr vun de Seefohrtshistorie in 300 Biller tosommenfaat, de 1911 in Hamborg utstellt un ansluutend eenzeln verköfft wurrn. 1910 hett he dat Stranden vun den Laeisz-Fievmaster Preußen vör Dover an Bord mit beleevt. De Preußen weer mit en Damper kollideert.

As Kameramann hörr he to de Besatten vun dat Schipp Herzog Ernst, dat 1912 en Nordpolarmeer-Expeditschoon ünner de Führung vun Herbert Schröder-Stranz un Alfred Ritscher as Kapitän ünnernehm. Vun de 15 Besattensliddmaaten hebbt blots söben överleevt, dorünner ok Rave un de Geoloog Dr. Hermann Rüdiger, de vun Rave bi vull Verstand een Foot amputeert wurrn muss. Rave hett disse Expeditschoon ünner annern up en 35-mm-Film fasthollen. Nah sien Trüggkehr entstunn dorut en Speelfilm vun 90 Minüten Längt, de aber in den Wirren vun den Tweeten Weltkrieg överweegend verloren gung, as sowohl dat Archiv vun de UFA in Berlin as ok dat Atelier vun Rave in Hamborg utbombt wurrn. Um 2006 rüm wurrn enkeld Sequenzen vun rund acht Minüüt vun dat Filmmaterial in en Moskauer Archiv opdeckt, wohen se as dör Major Iossif Manewitsch beslagnahmt Kriegsbeute gelangt weern.[1]

Christopher Rave hett sück an’ 13. Januar 1933 sülvst doodschaaten. Wegen en Krebserkrankung an’ Kehlkopp kunn he to de Tiet meest nich mehr snacken. Sien upwendig vun sien Schöler Valentin Kraus gestalt Graffmal befinnd sück up den Karkhoff Ohlsdörp.[2]

Utteknungen

[ännern | Bornkood ännern]

Warken (Utwahl)

[ännern | Bornkood ännern]
Postkoorten-Reproduktschoon vun dat Bild vun de SMS Seeadler

Schriften

[ännern | Bornkood ännern]

Film

[ännern | Bornkood ännern]

Literatur

[ännern | Bornkood ännern]

Weblenken

[ännern | Bornkood ännern]
Biller vun Christopher Rave. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen

[ännern | Bornkood ännern]
  1. Frank Thadeusz: Harakiri im Polarmeer, in: Spiegel online - Eines Tages vom 5. April 2008, afroopen an’ 15. August 2010
  2. Beschrieven un Bild vun de Graffstäe mit Körtbiografie vun Rave.
  3. Carl Kircheiß: Wal hooo! Weltreisen mit Harpunen, Angelhaken und Netzen, Wilkens, Rendsburg 1950, S. 182