Berthold Englisch (* 9. Juli 1851 in Hotzenplotz, Mährisch-Schlesien; † 19. Oktober 1897 in Wien) weer en Schachspeler ut Öösterriek.
Englisch weer en Jööd un vun Berop Börsenmakler in Wien.
He hett 1879 in Leipzig överraschend den eersten Kongress vun de Düütsche Schachbund wunnen vör Louis Poulsen. So en Kongress is gliektosetten mit de Düütsche Meesterschap. Dat weer man ok sien gröttste Erfolg.
In dat Johr drup hett he sück in Wiesbaden mit Joseph Henry Blackburne un Adolf Schwarz den eersten Platz deelt. In dat Johr 1890 hett he in Wien en Tweekamp över 5 Partien tegen Emanuel Lasker, de later henn Weltmeester wurrn sull, verloren (+0,-2,=3), kunn aber 1896 an glieker Steed en Wettstried tegen Pillsbury unentscheden hollen (+0,-0,=5). Ok mit Steinitz hett speelt (+1,-1,=4) un 1878 in Paris in dat dortige Turnier kunn he Anderssen slahn.
As Englisch sien best historsch Elo-Tall is de Weert 2690 utrekend wurrn (Februar 1897). Man hett man sien Positschoon up de Weltranglist in August un September 1881 all mit Platz 2 nahdräglich utrekend.