Benjamin „Ben“ List[1] (* 11. Januar 1968 in Frankfort an’n Main) is en düütsch Chemiker un Direkter vun de Afdeelen för homogene Katalyse an dat Max-Planck-Institut für Kohlenforschung in Mülheim an der Ruhr.[2] 2021 wurr hüm un David William Cross MacMillan för hör unafhängig vunnanner dörführt Arbeiten to de asymmetrischen Organokatalyse de Nobelpries för Chemie tospraaken.[3][4][5][6]
Benjamin List entstammt en grootbörgerlich Frankforter Familie.He is en Oorenkel vun den Nephroloog Franz Volhard un en Ooroorenkel vun den Chemiker Jacob Volhard.[7][8] He is buterdem Neffe vun Christiane Nüsslein-Volhard, de 1995 den Nobelpries för Physiologie oder Medizin kreeg. Se is de Süster vun sien Moder.[9]
Benjamin „Ben“ List is verheiraadt un hett twee Söhns. Mit sien Familie hett he den Tsunami van’n 26. Dezember 2004 in Khao Lak in Thailand överleeft.[7]
Dat Studium vun de Chemie an de Free Universität Berlin hett List 1993 mit Diplom afslooten. Sien Dokterarbeit hett he 1997 an de Johann Wolfgang Goethe-Universität Frankfort an’n Main bi Johann Mulzer mit dat Thema Synthese eines Vitamin-B12-Semicorrins maakt.[10] Up en Postdoc-Upenholt an dat Scripps Research Institute in La Jolla, USA, mit Arbeiten över katalytische Antikörper folg vun 1999 bit 2003 sien Beropen as Assistant Professor an dat Scripps Research Institute in La Jolla in dat Department för molekulare Biologie. 2003 wurr he tonächst Arbeitsgruppenleiter an dat Max-Planck-Institut für Kohlenforschung, an dat he in’n Juli 2005 Direkter wurr.
List weer 2005 Gastperfesser an de Gakushūin-Universität, Tokio, Japan, un 2008 an de Sungkyunkwan-Universität in de Republiek Korea. Siet 2004 is he Honorarperfesser an de Universität zu Köln (Institut für Organische Chemie).
Lit gellt as en vun de Begrünner vun de asymmetrischen Organokatalyse, de ahn potentiell gesundheits- un umweltschädliche as ok düer Metallverbindungen utkummt. In‘n Gegensatz to de Enzymkatalyse wurrn dorbi lütt organische Moleküle insett. Insbesünnere hett he de Mögelkeit opdeckt, de Aminoüer Prolin, un dormit en natürlich vörkommend organische Substanz, as effizienten Katalysator för de Herstellung vun optisch aktiven Produkten bi Reaktschonen as de Aldolreaktschoon intosetten. He hett ok nee Methoden vun de textilorganischen Katalyse funnen, bi de lösliche organische Katalysatoren un Textilien bunnen wurrn (to’n Bispeel för de lokale Waterversörgen in afleegen Rebeeden), un vun de asymmetrischen Katalyse (speziell Asymmetric Counteranion-Directed Catalysis, ACDC). Asymmetrische Organokatalyse is besünners wichtig bi bioaktiv organischen Verbindungen, bi de de Chiralität vun de Moleküle entscheedend is, etwa bi de Medikamentenherstellung.
2005 bit 2014 weer List Spreker vun dat DFG-Swoorpunktprogramm 1179 Organokatalyse.
Siet 2015 is he Chefherutgever vun Synlett, bi de he all 2011 Herutgever weer. Siet 2005 is he buterdem en vun de Herutgever vun Synfacts.
Siet 2018 is List en vun 15 Forschungsleitenden vun dat Institute for Chemical Reaction Design and Discovery an de Hokkaido University in Sapporo, Japan.[11]
List kreeg tallriek Pries un Utteknungen.