655: De christlich König Oswiu vun Northumbria winnt in de Slacht vun Winwaed över den heidnischen König Penda vun Mercia un maakt dormit den Weg för dat Christendom in de angelsässschen Königrieken open.
1533: Francisco Pizarro nümmt de Hööftstadt vun dat Inka-Riek in. Dat is Cuzco. He steckt ehr in Brand un plünnert ehr ut.
1796 In den Eerstem Koalitschoonskrieg fangt de Slacht vun Arcole twüschen de Revolutschoonstruppen vun Napoléon Bonaparte un de Öösterrieker an.
1825: König Johann VI. vun Portugal erkennt de Unafhangigket vun Brasilien an.
1889: Kaiser Pedro II. vun Brasilien warrt dör en Militärputsch stört. Marschall de Fonseca röpt üm 8:30 de Republiek vun de Vereenten Staten vun Brasilien ut. De Flagg vun Brasilien wiest, woans to de Tiet de Steerns över Brasilien stahn hebbt.
1920: In Genf kummt de Völkerbund to en eerste Sitten tohopen.
1940: In de Nacht op den 16. November warrt dat Warschauer Ghetto dicht maakt un dröff vun Juden nich mehr verlaten warrn.
1983: De Grünnen vun de Törksch Republiek Noordzypern warrt beslaten.
Weertschop
1918: Dat Stinnes-Legien-Afkamen twüschen de Arbeidgevers un de Gewerkschoppen in Düütschland warrt ünnertekend.
1923: In Düütschland warrt de Rentenmark inföhrt, wat de Inflatschoon to’n End bringt.
1971: Mit den 4004 bringt Intel den eersten Een-Chip-Mikroprozesser op’n fre'en Markt.
Kunst, Kultur un Bowark
1553: Bi’n Bo vun en Fasten bi Arezzo warrt de Chimäär vun Arezzo funnen, en Bispeel för etruskisch Kunst.
1838: De komisch Oper Lady Melvil vun Friedrich von Flotow warrt in Prais ooropföhrt.
1847: De komisch Oper Les Premiers Pas ou Les Deux Génies vun Fromental Halévy warrt in Paris ooropföhrt.
1924: De Kummedie Don Gil von den grünen Hosen vun Walter Braunfels warrt in Münschn ooropföhrt.
1966: De Oper Puntila vun Paul Dessau warrt in Berlin ooropföhrt.
Wetenschoppen un Technik
1849: De öösterrieksche Kaiser Franz Joseph grünnt in Wien de k. k. Geologsche Rieksanstalt, wat vundaag de Geologsche Bundsanstalt is.
1988: De sowjetsche Ruumgleider Buran, de wedder verwennt warrn kann, start vun Baikonur in Kasachstan ut to sien eersten un bither eenzigen Flaag.
Katastrophen
1960: In Pardubitz in Böhmen kommt 110 Minschen bi en Iesenbahnunglück üm.
1978: In Colombo op Sri Lanka verunglückt en Douglas DC-8, de op’n Torüchflaag vun Mekka bi’t Landen in en Wirbelstorm kummt. 66 Lüüd künnt rett warrn, aver 183 Minschen blievt dood.