919: Hartog Hinrich I. vun Sassen, mit den Binaam „De Vageler“ warrt in Fritzlar vun de Franken, Sassen un Döringers to'n König vun dat Düütsche Riek (regnum theutonicum) wählt.
1619: De nedderlannsche Staatsmann Johan van Oldebarnevelt warrt in Den Haag to Dode verordeelt. En Dag later warrt he en Kopp körter maakt.
1721: Paster Hans Egede ut Norwegen geiht mit siene Familie an Bord vun en Schipp un föhrt na Gröönland. He meent, dor geev dat noch Wikingers, un de will he to'n christlichen Gloven bekehren. Man he drüppt up Gröönland de Inuit un warrt to „de Gröönlänner ehrn Apostel“
1797: De leste Doge vun de Republiek Venedig, Ludovico Manin, gifft Bott. De grote Raat kümmt to'n lesten Mol tohopen. Mit Venedig siene Unafhängigkeit is dat nu vörbi.
1907: In de Methodistenkark vun Grafton in den US-BundsstaatWest-Virginia warrt en Memorial Mothers Day Meeting afholen. Ut düsse Wuddel wasst later de Mudderdag, de hüdigendags in allerhand Länner vun de Welt up'n 2. Sönndag in'n Mai fiert warrt.
2008: Bi en swoor Eerdbeven in Sichuan vun 7,9 Stark up de Richter-Skala in'n Süüden vun China kommt 50.000 Inwahner to Dood. Mehr as 5 Million Minschen verleest hör Tohuus.
2010: Bi Tripolis störrt en Airbus Typ A330-202 (Afriqiyah-Airways-Floog 771) af. 103 Lüüd kommen dorbi to Dood, en achtjohrig Kind överleevt.
Boren
1670: August de Starke, Kurförst vun Sassen un König vun Polen († 1733)