West-Meunsterlaands is n Nedersaksies dialekt. t Wörd ekuierd in t westen van t Meunsterlaand, wat in de Duutse deelstoat Noordrein-Westfaaln teegn de greanze met Nederlaand ligt. t Wigvörmige oawergaanksgebeed stekt precies tusken Tweante en n Achterhook. De sproake lik dus ook froai völle op de sproakn van dee gebeedn.
De belangriekste steas woer a'j West-Meunsterlaands heurn köant, zeent Borken, Dorsten, Gronau, Lembekke, Rhede, Bokelt en Oahoes.
t Korrekte antal sprekkers is neet bekeand.
Vuurbeelde
Oet de boawn eneumde döarpe zeent n antal vergelieknde vuurbeeldzinn bekeand.
In Dorsten zegnt ze van de Lembekse sproake t volgende:
"De Lembeckische Kääk ligg midden in n Dorp, bobben up n Bääg" (De Lembekse keark lig midn in n doarp, boaben op n bearg).
In Dorsten zegnt ze juust kerke en berg.
In Rhede zegnt ze van de Borkense sproake t volgende:
"In Borken goot se met den Kettel nao de Becke" - (In Borken goat ze met den kettel noar de bekke)
In Rhede zoln ze juust keatel en beake zegn, net as in n Achterhook.
In Gronau lik t nog t meest op t Oost-Tweants.
