Et Verbond van Nedersaksische Dialektkringen is n in 2003 opericht samenwarkingsverband tussen Dialektkring Achterhook en Liemers, de Vereniging Vrienden van de Streektaal veur Lochem en umgeving, en de Dialektkringe Salland en OostVeluwe. Et wöd ok wal kortweg t Verbond eneumd. Et hef as doel et gebroek van et Nedersaksies te bevordern. Van t Verbond zölf kö'j gin lid worden; i-j mot lid waen van ien van de an-eslotten verenigingen. Et Verbond gif veer keer in et jaor et verenigingsblad De Moespot oet.
Veurganger was et in 1966 operichte Verbond van Neersasse Dialectkringen, ok Verbond van Neersasse Schrieverskringen. 't Warkterrein van dit verbond was Sallaand, de Oost-Veluwe, de Achterhoek, de Liemers en Twente. Der wodden uutgaves verzörgd zoas Schriewied: Verhalen en Gedichten van Neersasse Schrievers (1969). Dit eerdere Verbond was in 2002 opeheven wegens verschil met de aneslötten Kreenk vuur de Twentse Sproak, die daornao nen eigen weg keus.