Simon van Wattum (Knoal, 11 december 1930 - Winschoot 29 december 1995) was n dichter en journalist dij schreef in t Veenkelonioals, Oldambtsters en Nederlaands. t Veenkelonioals was de toal dij er van huus uut metkregen het; Oldambsters het er leerd noa vervoaren noar Winschoot deur waark en traauwen. Noast zien dichtwaark schreef er verhoalen en foajetons, en vertoalde en bewaarkte hai tejoaterstukken. Veur zien proza broekte er ok t alter ego Jan Maaier.
Op zien achttiende publizeerde Van Wattum zien eerste dichtbundel. In 1954 richtte hai mit Jan Niehoff en Willem Diemer t Grunneger letterkundege bladje 't Swieniegeltje op, woar Van Wattum de noam van uutdocht haar. t Wuir in loop van tied n letterkundeg tiedschrift veur Leegsaksische schrieveraai oet Nederlaand en Duutslaand.
In 1955 wör er journalist-stukkiesschriever bie de Winschoter Courant, woar of er van 1967 tot 1972 heufdredakteur van was. Doarnoa gong er over noar t Nèisblad van t Noorden. Hierin muik er tuzzen 1973 en 1990 onder aander noam mit de rubriek 'Bericht uit 't Oostereind' (Bericht uut t Oosterìnd).
In 1966 wör t satirische bladje Twijspaalk opricht, woar of Van Wattum de laaidende redakteur van was.
Hai was aine dij zien schrieverij in t Grönnegs slim vernèiend was. Hoogleroar Leegsaksisch Hendrik Entjes schreef:
Van Wattum zien teksten binnen onder meer bruukt worden deur de Grönneger folkgroep Törf.
Simon van Wattum kreeg verschaaiden priezen veur zien literère schrieverij:
![]() |
Dit stok is schreven in t Veenkelonioals |