De SONT-spelling is n Nedersaksiese skriefwieze die in 2000 ontwikkeld is deur de wärkgroep spelling van de Nedersaksiese streektäälorganisasie SONT. De skriefwieze is nooit echt offisieel in gebruuk enumen, be-alve bie n paor streektäältiedskriften, ien van de redens daorveur was de weerstaand die t kreeg vanuut Twente.

Wat de spellingsregels anget liekt de SONT-spelling aordig op de Iesselakademiespelling.

• ää wördt niet vermeld.
• ae/ea naost mekäre in pläse van èè (meerdereid van de SONT-kommissie is veur ae veur de eldere klank (ɛː) en ea veur de donkere klank (ɪːə), niet ard veureskreven).
• ao/oa naost mekäre (meerdereid van de SONT-kommissie is veur ao veur de eldere klank (ɔː) en oa veur de donkere klank (ʊː), niet ard veureskreven).
• öö/öa naost mekäre veur de klank as in freule of t Fraanse sœur.
• a, aa, e, ee, eu, i, ie, o, oo, oe, u, uu: gien verskil met Nederlaands en alle regionale spellingsveurskriften.
• ö veur de klank as in t Duutse Köln, of de open öö-klank.

As in t Nederlaands.

• ui, ou, ij/ei, eeuw, ieuw, aai, ooi as in t Nederlaands.
• Klinkers evolgd deur n i/j-klank in t algemien met i, be-alve i'j, uj en iej.

• in egaon in pläätse van in-egaon.
• peerdtien in pläätse van peertien.

De streektäälorganisasie SONT ef an-egeven dat der gien interesse is um op dit moment zich värder te verdiepen in n algemiene spelling veur t Nedersaksies, umdat ze now veural bezig bin mit t Nedersaksies erkend te kriegen onder deel III van t Europese Aandvest veur regionale tälen of tälen van minder-eden en umdat de SONT-spelling t in 2000 offisieel ook nooit e-aeld ef.

Umdat der toch be-oefte is an n algemiene Nedersaksiese spelling bie n antal meinsen en de SONT-spelling toch niet helemaole voldeu an de wunsen en eisen, is der n an-epaste versie van de SONT-spelling ontwikkeld deur de medewärkers van disse wiki (disse spelling wördt de Algemiene Nedersaksiese Skriefwieze (ANS) enuumd). De streektäälorganisasie SONT is daor (nog) niet bi'j betrökken ewest.

Verskillen mit de SONT-spelling bin onder aandere:

• Zo min meugelijk ofkappingstekens vanwege n onrustig bield ('), dus: es (veur t Ned. "eens/'s"), lidwoorden: de, (h)et, een/ene/enen (of-ekort: de, t, n/ne/nen).
• Veurkeur veur K/S in pläätse van C, umdat dit beter ansluut bie t Platduuts en de aandere Germaanse tälen.
• -lik in pläätse van -lijk, dit is vanwege de uutsprääk en zodat t beter ansluut bie t Platduuts, en t achtervoegsel -ig.
• ku'j/wi'j/zu'w in pläätse van ku-j, wi-w, zu-w, umdat dit beter ansluut bie de meeste aandere Germaanse tälen.
• ij of ei naor Nederlaands veurbield. Waor t Nederlaands niet as veurbield enumen kan wörden, mut der ekeken wörden naor de etymologie (oorsprong) van t woord, bv. twei (Os. twē), tweilicht (t eerste diel is of-eleid van Os. 'tweho' dat twiefel betekent), nij (Os. niuwi), heit (of-eleid van "heten").

• De oorspronkelike SONT-spelling

Dit artikel is eskreaven in et sallandske dialekt van Gällemuun, in de Algemene Nedersaksiese Schriefwieze.