Johanna Catharina Daan (Krommenie, 12 meie 1910 - Deventer, 11 juni 2006) was een Nederlaanse dialektologe en taelkundige.
Nao een studie Nederlaanse tael- en letterkunde an de Universiteit van Amsterdam, warkte Daan van 1939 tot 1975 as mitwarker en heufd van de ofdeling Dialektologie van et P.J. Meertens Instituut in Amsterdam. As zodaonig het ze een grote betekenis had veur de studie van de variaosie binnen et Nederlaans.
Sund heur pensioen in 1975 woonde Daan in de Aachterhoeke. In de romancyklus Het Bureau van J.J. Voskuil die heur ofspeult op et A.P. Beerta Instituut (et P.J. Meertens Instituut), komt een personage veur dat Dé Haan hiet en dat dudelik baseerd is op Jo Daan. Uut et petret bliekt gien grote wederziedse sympathie. Jo Daan gong d'r laeter in vraoggesprekken prat op dat ze de boeken van Voskuil niet lezen had. "Ik lees gien boeken van meensken waoran ik een hekel hebbe!" was heur verklaoring.