Gerhard ten Holt (1912-1967) was een Twèentse febrieksdirecteur en anfieteraor van de Twèentse en in 't algemien de Nedersaksische taal en cultuur.

Ten Holt was directeur van een metaalfebriek in Hengel. Hij was betrökken bij de Nedersaksische Beweging, een riege intiatieven in de jaoren vieftig van de twintigste ieuw um 't Nedersaksisch uut te bouwen as cultuurtaal, waorbij Nederlaanders en Duutsers in de maande warkten. As uutgever van 't Nedersaksische tiedschrift Moderspråke en Nåberschůp, det van 1958 töt 1961 verscheen, schreef e: 'Et müt 'n tiedschrift wödden föör et Volk van Münsterland - Graafschup Benthem - Emsland - Gelderschen Achterhook - Twente en Salland.' Mitwarkers waren onder aandere Karl Sauvagerd en Lucie Rakers uut de Graofschop Benthem. 't Tiedschrift scheidde der mit uut deur slimme ziekte van Ten Holt.

Ten Holt had ok Twèentse verhalen staon in Johan Gigengack zien blad Twènterlaand en -leu en -spraoke. In de jaoren zestig gaf e Hengelse keunstenaors de gelegenheid um heur wark in zien gieterije tentoon te stellen.

• Johan Gigengack: Kring van vrienden en bekenden
• Hendrik Entjes (1990), 'Streektaalliteratuur in Overijssel na 1945', in Jurjen van der Kooi (red.), Dialectliteratuur: balans en perspectief van de moderne streektaalletterkunde in Oostnederland en Nederduitsland: een bundel studies, Stad: Sasland
• Helmut Lensing (2021), 'Die Grenzüberschreitende Niederdeutsch-Bewegung in den Jahren nach dem Zweiten Weltkrieg in der Region Emsland/Grafschaft Bentheim und den östlichen Niederlanden', in Henk Bloemhoff en Henk Nijkeuter (red.), Jaorboek Nedersaksisch 2 (2021), Oosterwoolde: Stichting Sasland, pp. 109-147

Dit stok is eschreven in 't Zuudwest-Drèents.