't Bunsjoots (daorbie rekenen we ok 't Spaokenburgs) is een West-Veluws en Nedersaksisch dialect dat espreuken wort in Bunsjoten, Spaokenburg, Eemdiek en Zeuvenhuzen, dit leit an de grens van Noordoost-Utrecht en Gelderlangd (de Veluwe). Ofhankelijk van welke dialectindeling je gebruken, valt 't Bunsjoots onger 't Nedersaksisch, sommige indelingen plaotsen 't weer bie 't Utrechts of 't Hollangds.
't Bunsjoots is een typerend Nedersaksisch dialect deurdat de vroegere sj-klank derin bewaord ebleven is, disse sj-klank is inmiddels in zwat alle aore Veluwse dialecten vervangen deur de Nederlangdse sch-klank. 't Bunsjoots, 't Amesfoorts en 't dialect van Leusden bin ok de enigste dree Nedersaksische dialecten dee in de previnsie Utrecht espreuken worren/wieren. Een angder opvallend versjiensel is t verangderen van de -nd naor -ngd. In taolkungdige tárme is dat het verangderen van de alveolaire naor de palatale nasaal.
't Bunsjoots is nog een aordig levendig dialect. In Bunsjoten hen ze zelfs een meziekgroep die ok liedjes in 't Bunsjoots zingt, in 2007 had disse groep (Bukkes) een kleine hit mit Héé keeltsie.
Ciefer | Bunsjoots |
---|---|
1 | een |
2 | twee |
3 | dree |
4 | vier |
5 | vuuf |
6 | zes |
7 | zeuven |
8 | acht |
9 | negen |
10 | tien |
![]() |
Disse pagina is esjreven in 't Bunsjoots |