N'isula (pe llatino insula) è na terra assummata cumpretamente circundata 'a ll'acque ed 'e grannezza arredotta rispetto a nu cuntinente. Otra â grannezza, n'autra caratteristeca 'a differenzia d'ô cuntinente: 'o nfrusso crimmateco dato 'a ll'acqua ('e sciume, 'e mare, ezz.) se spanne ncoppe tutta 'a superfiggia assummata. N'isula pô truvarse int' ll'acque 'e nu sciummo, laco, mare od oceano. 'A parte d"o turreno ca separa 'a terra assummata 'a ll'acqua è ditta costera o litorale.
Cchiù isule vicine nfra 'e lloro furmano n'arcepelaco.
Ll'isule ponno éssere despuoste a curona o a catena. P'essempio ll'isule Aleutine int' ll'oceano Pacifico furmano na catena nfra ll'Asia e ll'Amereca settentrionale.
Ll'isole ponno essere crassificate int isule 'e sciume, 'e laco, cuntinentale ed oceaniche.