Berita umum

Wikidata dan Scribunto Alah Diluncuakan

arupo nan alah dipakiroan di kaba sabalunnyo, Wikidata alah rasmi diluncuakan ka saluruah proyek Wikimedia pado 6 Maret 2013. Basamo jo itu, para Wikipediawan pun segera mamperlengkap dokumentasinyo supayo pangguno lain dapek segera baadaptasi jo pangganti interwiki ko.

Pakambangan Wikidata indak berhenti sampai pado paluncuannyo sajo, bahkan, paluncuan ko cumo bagian dari fase partamo sajo nyo. Kini ko fase kaduo sarato katigo sadang dalam tahap panyalasaian. Tahap kaduo bafokus pado kotak info, nan notabene mamuek informasi-informasi nan paralu dimutakhiakan satiok waktu; jo caro manyentralisasi informasi ko di Wikidata, kotak info di babagai edisi Wikipedia dapek dengan mudah dipabarui sakaligus. Rencananyo fase kaduo ko akaun mulai diujicubo akhia bulan ko di babarapo Wikipedia. Fase katigo, nan masih dalam rencana jangka panjang, adolah visualisasi data-data di Wikidata sarato dafta otomatis dari data-data nan bahubuangan.

"So, now is the first time that the Wikimedia site maintainers have enabled real coding that affects all readers. We’re letting people program Wikipedia unsupervised. Anyone can write a chunk of code to be included in an article that will be seen by millions of people, often without much review. We are taking our “anyone can edit” maxim one big step forward. Just as we crowdsourced building Wikipedia, now we’re crowdsourcing bits of infrastructure improvement. "

—Sumana Harihareswara, Engineering Community Manager

Dalam pakambangan nan lain, Scribunto alah tibo di situs-situs WMF lainnyo saminggu sasudah Wikidata. Iko adolah teknologi nan diharokkan dapek manggantian fungsi parser nan salamo ko dipakai di Wikipedia, khususnyo pado templat. Pado dasarnyo, templat kini nan ado ko dibuek manggunoan sintaks wiki, nan sabananyo indak dirancangan untuak manjadi bahaso pamograman, antaro lain dek sebab indak punyo loop jo rekursi. Scribunto ko manggunoan bahaso pamograman Lua nan relatif labiah mudah daripado sintaks wiki. Pangaktifan Scribunto dapek disabuik sabagai suatu langkah ketek manuju revolusi teknologi Wikipedia.