Balimau baarati mansucikan diri jo mandi gadang, supayo badan jo hati barasiah mamasuaki bulan Ramadhan.[1] Sabalun masuak bulan puaso, di sore hari urang ramai balimau basamo di pincuran nagari, pantai, atau tabek.[1][2] Tradisi ko bakambang di kalangan masarakaik Minangkabau, dan dipicayo lah balansuang sajak lamo.[3] Konon arti kato balimau ko daulu asalnyo dek mandi pakai limau,[4] tapi kini kok dikecekan mandi balimau, urang lansuang tau itu adolah mandi saluruah badan.[4]