Nau mai, haere mai ki te tomokanga hapori o te Wikipedia Māori! He mātāpunengareo Māori tēnei, ā, ko te reo tōku maupihi maurea. Ko te pai o tēnei paetukutuku - he moemoeā noa iho pea tēnei i tēnei wā - he whakaatu ki te katoa te hōhonutanga o te reo; kia mōhio ai te katoa ka taea tonutia e te reo Māori nei te whakaputa me te whakamārama i ngā āhuatanga katoa o te ao whānui.
Engari, e hoa mā, ahakoa te kaha hiahia o te ngākau kia tū ko tēnei mātāpunenga hei taonga mō te katoa, he maha noa atu ngā tuhipānui he maramara noa iho. Mā wai e whakaroa ake? He maha ngā tuhipānui e hē ana te takoto me te rere o te reo. Mā wai e whakapai ake? He maha ngā tuhipānui he maroke ngā kaupapa. Mā wai e whakareka ake? Mā tātou, mā tātou, mā tātou - mēnā ka mahi tahi tātou.