Prakata
Rinjing kuwe barang kerajinan tangan sing digawe sekang bahan dasar pring tali. Nek secara basa Indonesia rinjing kuwe pada baen karo bakul.
Cara Gawe
Carane gawe rinjing, urut-urutane kaya kiye:
- nggolet pring tali sing wis tua, trus pringe diketok di pepe nganti garing ben nek dinggo pringe ora kisut.
- nek pringe wis garing gari di sigar cilik-cilik, sigarane pring digawe bahan dasar dinggo gawe rinjing, kayata: lanang, anam, wengku karo sikil.
- lanang kuwe bagian rangka rinjing, nek anam kuwe dinggo anyamane sing fungsine dinggo nyekel lanang.
- lah nek wis dianam gari diwei wengku, wengku kuwe bagian sekang ringjing sing paling nduwur, fungsine dinggo mlebed ringjing ben dadi bunder, nek wis di wengku gari di tutus, utawa ditaleni.
- Sing paling keri gari gawe sikil rinjing ben rinjinge ora guling bisa ngadeg dewek.