La pioeuva, o pleouvja, o pluvja, a l'è 'na sòrta de precipitazion atmosferega, on prudòtt de la condensa del vapor d'acqua che 'l croda giò in su la Tèrra di nivol.
Minga tuta la pioeuva la finiss cont el tocà la superfice terrèstra: intant che la ven giò, un tòcch el svapora a contatt con l'aria, che l'è ben pussée succia. Se nanca 'na gotta de pioeuva la riva a tocà la tèrra, chess chì l'è el fenòmen ciamaa Virga, che'l se ved despèss in di desèrt cald e sècch. El còdes METAR per la pioeuva l'è RA.
Forma de la precipitazion | Precipitazion [ mm/h ] | Diameter di gott mm | Velocità de crodada al soeul [ m/s ] | Densità in atmosfera [ mg/m3] |
---|---|---|---|---|
Piovisna | <1 | 0,2 | 0,75 | 93 |
Pioeuva débol | 1-2 | 0,5 | 2 | 139 |
Pioeuva moderada | 2-6 | 1 | 4 | 278 |
Pioeuva fòrta | >6 | 1,5-2 | 5 | 833 |
Acqueri | >10 | 2-3 | 6 | 1852 |
Diluvi | >30 | 3 | 8 | 5401 |