![]() |
Quell articol qì l'è scrivud in Lombard, cond l'ortografia Scriver Lombard. |
Ladislav I, ciamad ol Cœrt (in polac: Władysław I Łokietek) (1261 - 2 de marz del 1333), l'è stait un nobel polac de la dinastia Piast, duca fina al 1300, e dopo princep de Cracovia dal 1305 fina a la so incoronazion ol 20 de jenar del 1320 come re de Polonia.
L'è stait princep de la Granda Polonia dal 1296 e re de Polonia dal 1320; l'era ol s'ciet del Casimir I de Kujawy e l'ha ereditad ol titol ind el 1275. Elejid princep dai nobei de la Granda Polonia, l'ha perdid la so fedeltaa e ind el 1300 ol re Venceslav III de Boemia l'è stait incoronad al so post come re de Polonia. Ladislav in seguet l'ha circad de mantegner la so pretesa al trono polac; col sostegn del papa Bonifaci VIII l'ha començad una guerra contra ol Venceslav, un conflit complicad dai ambizion dei cavalier teutoneg. Ol Ladislav l'è stait incoronad ind el 1320 a Cracovia, l'ha vencid i cavaler ind el 1331 e l'ha unid i princepads polac ind un regn œneg. I ligam intra Ungeria e Lituania i è stait strejid da una union matrimoniala.
Ind el 1293 ol Ladislav l'ha sposad la Edvije de Kalisz, s'cieta del Boleslav ol Devot e de la Iolanda de Polonia. Insema i ha havud ses fiœi: