ZE
|
Quésta pàgina a l'é scrîta in léngoa zenéize
A Grafîa adeuviâ a l'é quélla de l'Académia Ligùstica do Brénno |
O Cavarcavîa Ponçéivia (conosciûo ascì cómme Pónte Moràndi ò Pónte de Condûte)[1] o l’é ’n pónte fra i quartê de Sàn Pê d’Ænn-a e Cornigén a cavàllo do torénte Ponçéivia, into teritöio de Zêna.
O fa pàrte do traciâto de l’Outostràdda A10 e o costitoìsce ’n’infrastrutûa stratégica pò-u colegaménto de stràdde fra o nòrd d’Itàlia e o sùd da França, pàssa êse a lìnia stradâle principâ fra o céntro-levànte de Zêna, o pòrto di container de Vôtri-Prà, l’ariopòrto Cristòffa Colónbo e-e zöne industriâli zenéixi.
Progetòu da l’inzegnê Ricàrdo Moràndi, da-o quæ o l’à pigiòu o nómme, o l’é stæto costroîo fra i ànni 1963 e 1967 da-a Socjetæ Italiànn-a pe-e Condûte de l’Ægoa.
O l'é conosciûo da-a popolaçión zenéize ascì cómme Pónte de Brooklyn, perché o s'asoméggia a-o famôzo pónte de New York.[1]
O l’é seròu a-o tràfego da-o 14 d’Agósto de l’ànno 2018 perché ’na pàrte da strutûa a l’é deruâ e l’à caozòu a mòrte de 43 persónn-e; 15 són i ferîi e ciù ò mêno 600 i sfolæ da-e câze che són sótta-o pónte.[2] A vêgia strutûa a no gh'é ciù e ancheu son aprêuvo a costroî o pónte nêuvo ch'o doviéiva êse finîo inte l'Arvî do 2020. Ma a Zêna gh'é 'n dîto: "O l'é cómme-a Gêxa de Caignàn..." pe indicâ 'na cösa ch'a no finìsce mâi. Sperémmo che sta vòtta chi o rizùlte fâso!
«Derûa in pónte, derûa 'na stràdda, derûan i nervi de chi, segûo, o pénsa: "Poéivo êse la".
|
(Poexîa dedicâ a-o pónte, a Zêna e a tùtti i zenéixi) |
Contròllo de outoritæ | VIAF (EN) 149156374122007710006 · GND (DE) 1190604396 · WorldCat Identities (EN) 149156374122007710006 |
---|