ZE
|
Sta pàgina a l'é scrîta in zenéize |
James Richardson Spensley o l'è stæto unn-a de ciû importanti personalitæ do Zena, zugòu (difensô e golchîper[1]) e o seu primmo allenatô ascì.
O l'êa nasciûo a Stoke Newington, Londra, a-i 17 de Mazzo 1867. Appascionòu do sport in generâle, in Inghiltæra o l'aveiva zûgòu comme portê into Sunderland.
Spensley o l'êa 'n mêgo arrivòu a Zena pe curâ i mainæ de nave da carbón, ma a sôla pascion pe o zêugo a l'à portòu a mette in pê o settore do ballon do Genoa Cricket and Athletic Club, tanto che o 2 Zenâ 1899 o Spensley o l'à convinto i dirigenti da soçietæ de cangiâ o nomme in Genoa Cricket and Football Club. 'Sto dottô ingléize o l'à ascì convinto i sòcci a fâ intrâ into club anche i zenéixi o 10 Arvî 1897.
O Spensley o l'êa in amante da lengoistega e o conoscêva o grêgo antîgo e sanscrito. De ciù o l'é stæto inportante pi-â difoxon do scoutîximo in Italia.
O l'è mòrto a Mainz (Germania) o 10 Novembre 1915 inta Grande Goæra quande o l'êa aprêuvo a socorî in sò nemîgo.