O Congresso de Viénna (in tedesco: Wiener Kongress) o l'é avegnûo da-i 18 de seténbre do 1814 a-i 9 de zùgno do 1815 inta çitæ de Viénna e o l'à remesciòu tùtti i confìn d'Ouröpa dòppo a sconfìtta de Napolión.
Quélla sciortîa da-e boràsche napolióniche a l’ȇa ’n’Ouröpa diferénte, con di nȇuvi protagonìsti e sénsa spàçio pe-i stâti picìn e déboli e de nisciùn interèsse pe-i Gréndi. A despȇto di inpégni pigiæ e di tentatîvi disperæ fæti a Viénna da-i pöchi zenéixi ch’ȇan stæti amìssi, a Repùblica indiféiza a l’é stæta “regalâ” a-i Savöia, chi-â trasfórman inte ’n Ducâto agregòu a-o Régno de Sardégna. Fémmo notâ chi-â Ligùria, a diferénsa de tùtte e âtre Regioìn italiànn-e, a no l’à mâi aprovòu l’anesción a-o Stâto Sabàodo prìmma e a-o Régno d’Itàlia dòppo co-i plebiscîti ò âtre fórme de democraçîa.
Contròllo de outoritæ | VIAF (EN) 147367697 · LCCN (EN) n50055590 · GND (DE) 2026986-9 · BNF (FR) cb11949509b (data) · WorldCat Identities (EN) n50-055590 |
---|