Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
'n Zaechs is e landjboewwirktuug det kan waere betrach es 'n wiejer óntwikkeling vanne ziekkel; 'n tössevorm is de zich. 'n Zaechs besteit oet e lank-gebaoge mets, ane binneboch sjerp, mit 'ne sjerpe puntj, bevestig aan 'ne steel mit sómtieds ei, mer meistes twieë handjvater. De zaechs wuuertj gebroek door mit 'n snel zwejjendje bewaeging lank graas of kaore te mejje, zónger det de mejjer zich daoveur hoof te bókke. De zaechs waas al bieje Romeine bekèndj en haet meugelik ieëre al bestange. Pas oppe middelieëve, innen twellefdjen toet dertieëndjen ieëf, koom 't wirktuug weer in gebroek in Wès-Europa.