Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Wymbritseradeel (sinds 1986 officieel Fries: Wymbritseradiel) is 'n veurmaolege gemeinte in de Nederlandse provincie Friesland, mèt 'n oppervlak vaan 162,74 km2 (daovaan 24,41 km2 water) en op 1 januari 2010 16.151 inwoeners. De gemeinte bestoont oet de kerne Abbega (Abbegea), Blauwhuis (Blauhûs), Folsgare (Folsgeare), Gaastmeer (De Gaastmar), Gauw (Gau), Goënga (Goaiïngea), Greonterp, Heeg (Heech), Hommerts (De Hommerts), IJlst (Drylts), Indijk (Yndyk), Itzega (Itzegea), Jutrijp (Jutryp), Koufurderrige, Nijland (Nijlân), Oosthem (Easthim), Oppenhuizen (Toppenhuzen), Oudega (Aldegea), Sandfirden (Sânfurd), Scharnegoutum (Skearnegoutum), Smallebrugge (Smelbrêge), Tirns (Turns), Tjalhuizum (Tsjalhuzum), Uiterwellinga (Twellingea), Westhem (Westhim), Wolsum, Woudsend (Wâldsein) en Ypecolga (Ypekolgea). Hoofplaots is IJlst. De Nederlandse naome zien ummer nog officieel, meh de Friese kriege wel de veurkeur.
Wymbritseradeel waor ein vaan de daarteg aw grietenije. De gemeinte woort in 1984 oetgebreid, wie de ganse gemeinte IJlst (ein vaan de Friese elf stei), e deil vaan de opgeheve gemeinte Doniawerstal en e stök vaan Wonseradeel aon Wymbritseradeel woorte touwgevoog. Tegeliek stoont ze de dörpkes Loënga, Offingawier en IJsbrechtum aof aon Sneek. In 2011 góng de gemeinte, mèt nog veer aandere, op in de nui gemeinte Súdwest Fryslân.