De twiede iew vaan de christeleke jaortèlling leep vaan 101 t/m 200. 't Romeins Riek weurt geregeerd door de Antonijnse dynastie, die inkel vaan de bèste meh ouch eine vaan de slechste keizers lievert. Aon 't begin vaan d'n iew bereik 't Riek zien groetste gebeedsoetbreiing oets; daonao sjeit 't Romeins expansionisme oet en goon keizers ziech mie op de binnelandse politiek riechte. In 't Midde-Ooste heers 't Partheriek, boe Roeme nog diverse kiere mèt in oorlog kump. In China zit nog ummer de Handynastie, meh ze moot ummer mie mach aon lokaol veldhiere laote en 't land begint oeterein te valle.

Groete gebäörtenisse

• 117: 't Romeins Riek bereik ziene groetsten umvaank naotot Trajanus de Parthische provincies Armenië, Mesopotamië en Assyrië aon 't Riek heet touwgeveug. Die provincies weure weer gaw verlaote.
• 122: Keizer Hadrianus verordonneert de bouw vaan de Moer vaan Hadrianus. Heimèt accepteert 'r tot 't noorde vaan Brittannië boeten 't Riek blijf.
• ca. 127: Bij d'n doed vaan Vima Kadphises umvat 't Bactrisch Koejsanariek groete deile vaan Noord-Indië.
• 132-6: Twiede Romeins-Joedsen oorlog. Roeme sleit d'n opstand neer en veug de naom 'Judea' gans vaan de kaart; de provincie weurt umgeduip tot Syria Palestina.
• 142: Noordelek vaan de Moer vaan Hadrianus weurt de Moer vaan Antoninus begós. Die zal oetindelek neet doorzaam blieke.
• 161-6: De Romeine valle 't Partheriek obbenuits binne. Ze mote hun vlotte campagne oetindelek aofbreke es ziech de pokke of 'n aander krenkde door 't gebeed begint te verspreie.
• 166: 'n Gróp Romeinse handelere of gezante bereik d'n hoof vaan keizer Han Huandi.
• 166-80: Marcomaonse Oorloge tösse 't Romeins Riek en versjèllende Germaonse stamme.
• 184: In China begint d'n Opstand vaan de Geel Tulbande.
• 189: Keizer Han Xiandi kump es keend op d'n troen. Euver 't rezjèntsjap oontsteit vreigel dee 't land wijer verdeilt.
• 192: Generaol Dong Zhuo weurt vermaord; lokaol veldhiere numme in China noe euveral de mach euver.
• 193: Naotot keizer Commodus is vermaord, brik 't jaor vaan de vief keizers aon; oetindelek kump Septimius Severus aon de mach.
• 196: Generaol Cao Cao begint China weer min of mie te vereinege; de kern vaan zie riek ligk in de vallei vaan de Geel Revier.

Religie

• ca. 126: 't Pantheon weurt ingewijd.
• 144: Marcion vaan Sinope weurt um zien 'ketterse' ideeë geëxcommuniceerd.
• ca. 156: Montanus sjeit ziech aof vaan de kèrk en stiech 't montanisme, wat veural in Anatolië populair weurt.

Kuns

• 170: De bouw vaan de Porta Nigra in Trier begint.

Wetensjap

• 121: Suetonius sjrijf De vita Caesarum euver Caesar en èlf Romeinse keizers.

Persoene

Voorste

• Gautamiputra Satakarni
• Hadrianus
• Kanishka I
• Marcus Aurelius
• Septimius Severus
• Trajanus
• Vima Kadphises
• Yajna Sri Satakarni

Gelierde en profete

• Ban Zhao
• Cassius Dio
• Marcus Aurelius
• Plinius de Jóngere
• Suetonius
• Tacitus
• Valentinus de Gnosticus

Kunstenere

• Cai Yan
• Juvenalis
• Martialis
• Zhang Heng

Jaore