Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
'n Poscode is 'n korte rits aan teikes, meis tösse de veer en neuge siefers lank (mit döks ouch lètters d'rbie) die gebroek wuuert veur 'n adres mit aan te gaeve veur zoea 't automatisch sortere van pos, wie breve, tiedsjrifter en pekskes, mekkeliker te make.
In Nederlandj zeen de poscodes in 1977 ingeveurd. De poscodes bestaon oet veer siefers en twieë lètters: de ieëste twieë siefers gaeve de regio aan, de lèste de wiek. De lètters gaeve de straot aan. De regio's valle neet gans same mitte pervinsies. De volgendje regiocodes kómme veur in Nederlandjs-Limbörg: 57 (minimaal), 58 (deils), 60 (gooddeils), 61, 62, 63, 64 en 65 (minimaal).
In 't Belsj haet m'n in 1969 de posnómmers ingeveurd. De posnómmers bestaon oet veer siefers: de ieëste twieë veure sorteersector, 't derdje siefer veur e poskentoear en 't veerdje siefer van 'n oetgaafkentoear. De poscodes 3500-3999 huuere bie Belsj-Limbörg.