Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

E muibel (vergaoringsterm: muibelaer of muibulaer) is e perduk det is gemèndj veuren inrichting vanne ruumdje binnen of boeten 't hoes, wo 't kan fungeren es zit- of ligkplaats, opslaagplaats, en ouch 'n horizontaal oppervlakdje veur dinger vanne gróndj aaf te haje of veur bepaoldje veurwirpe op 'n handjzaam huuegdje te haje (wie bie 't aete of bie 't wirke).

Inkel veurbiljer van muibelaer zeen:

• 't bèd: e muibel veur in te ligke slaope;
• 'n bank: e muibel mit rögkleuning gemèndj veur mieëder persoeane veur op te zitte;
• e bureau: e muibel veur en te sjrieven en te laeze;
• 'ne kas: e muibel veur 't opslaon van gebroeksveurwirpe;
• 'n kis: e muibel veur veurnamelik kleier en anger linnen in op te slaon;
• 'n krök: e muibel zónger rögkleuning gemèndj veur eine persoean veur op te zitte;
• 'ne stool: e muibel mit rögkleuning gemèndj veur eine persoean veur op te zitte;
• 'n taofel: 'n verhuuegdje plank op kneen- of heuphuuegdje wo gebroeksveurwirper op kónne waere gelag.