Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
De terme globalisering en mondialisering (kiek notitie oonderaan) werre in 't Limburgs gebroekt vór 't besjrieve van e voortdurend proces van wereldwiej economische, politieke en culturele integratie, mèt es centraal kenmaerk 'n wereldwiej arbeidsdeling, oeërbie productieliene över de waelt werre gesjpreid die gedraeve werre dör de informatie- en communicatietechnologie en dör internationale handel. Mondialisering wert mögelek gemakd dör oontwikkelinge óp 't gebied van verveur en telecommunicatie. Ze kenmaerkt zich wieër dör wietgaonde sjaalvergruëting, 't oontsjtoeë van e waeltwied kapitalisme en de versjrèjjing van 'n consumaentecultuur.
D'r term globalization (mondialisering) wert dèk toegesjraeve an Theodore Levitt, dae 't begrip in 1983 hanteerde in 't tiedsjrif Harvard Business Review.[1] E besjreef mondialisering es: "de veranderingen in sociale gedragspatronen en technologie die bedrijven in staat stellen om hetzelfde product over de hele wereld te verkopen". Vólges e artikel in de New York Times waor d'r term globalization al ruum vör 't artikel van Levitt in ömloop, in eeder geval vanaaf 1944. Oonder econome waor d'r term al in 1981 in gebruuk[2] Oondaanks dit alles kan Levitt waal verantwoordelek werre gehaowe vör de wietgaonde popularisering van d'r term.