Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Dieren is 'n plaats in oeastelik Nederlandj. 't Ligk inne gemèndje Rheden, Gelderlandj, tösse Zutphen en Arnheim, ane randj vanne Iessel.
Dieren waas 'n eige gemèndje toet 1818, wen 't óngerdeil woort van Rheden.
'n Stoumspaorlien verbindj Dieren via Beekbergen mit Apeldoorn. Dees wuuertj dore Veluwsche Stoomtrein Maatschappij bedeendj.
De fietsfabriek van Gazelle ligk in Dieren.
"Hof te Dieren" waas 't hoes vanne Nederlandjse stadhajer Frederik Hendrik van Oranje, aevenes Willem II van Oranje, Willem III van Oranje en Willem IV van Oranje. Zie vergruuedjen 't hoes en hele jachfieëster inne bieligkendje bósse. 'ne Waeg woort geboedj dae Dieren mit Den Haag verbónj, de "Koningsweg". Deze waeg kan nag ummer in väöl plaatse langse route trögkgevónje waere, wie in Otterlo. 't Hoes "Hof te Dieren" woort tiedes de bevriejing dore Canadeze kepótgesjaote, die abusievelik dachte det dao SS'ers oet Pruses zote. Eigentlik zote die in "Avegoor", e geboew det zuudwèstelik van Dieren ligk.