Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
't Champenois is 'n oïl-spraok die gekaldj wuuert inne vreugere Franse regio Champagne-Ardenne ('t weste van de Grand Est, mit de departeminte Ardennes, Aube, Marne en Haute-Marne) en in ein Belzje gemèndje: Vresse-sur-Semois, in 't zuje vanne pervinsie Name. Zoeawaal Frankriek es 't Waolelandj erkinnen 't es 'n regionaal spraok. De spraok wuuert bedreig in zie doorbestaon. De spraok is verneump nao de aw provincie Champagne.
De dialekte van 't Champenois höbben e deil eige biezunjerheje, in versjeie vörm en maote.
Väöl dialekte höbben 't inkelveljig mannelik lidwaord behaje mit 'n wiejer nao achter gelaegen of mieë geslaoten oetspraok, juus wie inne Middelieëwe. Kónkrieët wiltj det zègke de me vörm wie lo of lou vindj veur le in 't Standerdfrans: lo pus grand village "'t grótter dörp en lou vieux langaige champaignat "de aaj spraok Champenois".
Wiejer kump de vorm el of eul ouch väöl veur.
't Lidwaord lo of lou kump ouch veur es e veurnaamwaord in 't Champenois: je lo vois, lou faites taire! "Ich zeen 'm; laot dem zwiege!"
De gebejendje wies of d'n imperatief kan m'n op twieë menere vörmen in 't Champenois. Me zaet zoeawaal montrez-lou-moi wie lou me montrez "Laot mich det zeen." en taisez-vous! of vous taisez! "Zwieg; bön stil!"
't Champenois haet get vörm vanne aaj óntkinninge behajen oete Middelieëwe, mer ouch zelf vernujinge doorgeveurd:
Väöl van dees wäörd waeren ouch gebroek in 't Frans zoeawie det inne regio gespraoke wuuert.